Масты

"Як пяць разоў прыкласьціся да судзьдзі і застацца безнаказанным". Відэа-дапаможнік для прадстаўнікоў грамадскасьці з такой назвай могуць зараз выпускаць футбалісты каманды другога беларускага футбольнага дывізіёну. Ён можа быць надзвычай карысны для актыўнай часткі беларускага грамадства ;)

У матчы 1/16 фіналу Кубка Беларусі ў Мастах "Нёман" на мясцовым стадыёне "Калізей" :) прымаў салігорскі "Шахтар". Чаканую перамогу атрымалі "гарнякі" 0-5.

Аднак не гульнявыя эпізоды ці нейкія мегапрыгожыя гульні далі падставу зьвярнуць сваю ўвагу да гульні.

На чацьвёртай хвіліне сустрэчы рэфэры прызначыў пенальці ў вароты гаспадароў. На відэа ў прапанаваным ракурсе добра відаць, што парушэньне ў штрафной пляцоўцы сапраўды было. Аднак з гэтым рашэньнем галоўнага судзьдзі былі не згодныя суровыя мастоўскія хлопцы-нагамячысты.

Рэфэры за 7 сэкундаў ад зладжанага квартэту футбалёраў-штурхацеляў пад падбадзёрваючыя клічы публікі "дава-а-ай!" адчуў як да яго корпусу прыклаліся адзін за адным адразу чатыры мастоўскія хлапчыны.

Але судзьдзя аказаўся па-беларуску талерантным. Мінімум (відэа не цалкам паказвае эпізод) пяць штуршкоў ад гульцоў мастоўскага "Нёмана" выліліся для іх толькі ў адну жоўтую картку на "брыгаду": яе атрымаў футбаліст-штурхацель Пятроў.

Можа, ну яе гэтую інтэлегентнасьць ды дыпляматычнасьць? А прыклад браць з простых мастоўскіх хлопцаў. Кажуць жа: бліжэй трэба быць да народу, яго будзённых спраў ды традыцый.

Глядзець відэа бойкі з судзьдзёй + відэа галоў

http://dyk-by.livejournal.com/


Чытаць таксама:

"Нёман" выйшаў у 1/16 фінала Кубка Беларусі па футболу

Шахцёр разграміў мастоўскі Нёман
   
Фотарэпартаж з матчу Нёман- Шахцёр