Масты

Асіповічы - Нёман- 1:0

1/32 фіналу. Нёман (Масты, Д3) - Баранавічы (Д2) - 2:0

1/16 фіналу.  Нёман (Масты, Д3) - БАТЭ (Барысаў) - 3:7 (1:5)

Масты. Стадыён "Нёман". 2000 гледачоў.

СУДДЗІ: О.Чэрапнёў (Бабруйск), У.Малюцін, Б.Кавалеўскі (абодва - Магілёў).

НЁМАН: Кудряшоў (Шыдук, 46), Антонавіч, Копаць, Коцін, Войтас, Сакалоўскі (Домась, 46), Астапавіч, Пятроў (к) (Садоўскі, 75), Клімец, Балейка (Кульбей, 46), Нарковіч (Масціцкі, 68).

БАТЭ: Гутор, Хагуш, Пеха (Казанцэў, 58), Сасноўскі, Юрэвіч, Сівакоў, Ярмаковіч (к) (Деканасідзэ, 58), Жаўнерчык (Скавыш, 58), Блізнюк, Нехайчык (Радзевіч, 46), Мірчэў (Віскушэнка, 75).

ГАЛЫ: 0:1 - Нехайчык (12-г, пас - Жаўнерчык, з кутняга). 0:2 - Блізнюк (27-г, пас - Жаўнерчык, з кутняга). 0:3 - Жаўнерчык (35). 0:4 - Мірчэў (38). 0:5 - Мірчэў(40, пас - Блізнюк). 1:5 - Нарковіч (43, са штрафнога). 1:6 - Сівакоў (71, пас - Юревіч). 1:7 - Мірчэў (74-г, пас - Блізнюк). 2:7 - Домась (79). 3:7 - Коцін (92+, з пенальці за гульню рукой).

ПАПЯРЭДЖАННІ: Скавыш (70), Кульбей (71) (абодва - за грубіянскую гульню).

Думаецца, нягледзячы на рахунак не на карысць "Нёмана", гаспадарская "тарсіда" пакідала арэну ў добрым настроі - свята відавочна ўдалося. Тройчы забіць барысаўчанам - задача не з лёгкіх, нешматлікія і ў мацнейшым дывізіёне могуць пахваліцца падобным дасягненнем. Віктар Ганчарэнка чакана выставіў неаптымальны склад, але ў крайнасці кідацца не стаў: у аснове з'явілася досыць ключавых выканаўцаў. Аднак дэбютны верняк запісалі ў свой актыў падапечныя Юрыя Чакана. Наркоіич злева абгуляў Пеху і практычна з кута брамавай здзейсніў паўудар-паўпрастрэл - міма. У адказ "жоўта-сіні" рухавік толькі ледзь дадаў абарачэнняў, чаго хапіла для прадвызначэння лёсу супрацьстаяння. Жаўнерчык майстэрска падаваў кутнія – рэзультатыўнымі атрымаліся ўдары галоў Нехайчыка і Блізнюка. На 38-ай хвіліне нарэшце завяршылася паласа няўдач Мірчэва: да таго балгарскі легіянер прымудрыўся загубіць чатыры (!) стоадсоткавых моманта. Забіў жа Ўладзіслаў, дабіўшы выпушчаны Кудряшовым мяч. У фінале тайма Нарковіч "размачыў" Гутора, выдатна выканаўшы "стандарт" - снарад у абвод "сценкі" уляцеў ў "дзявятку".

Пасля перапынку хуткасці зменшыліся. І без таго расслабленыя барысаўчане зусім супакоіліся, мастаўчане ж уперад таксама не лезлі. Масавыя замены, зробленыя Віктарам Ганчаренка, дазволілі дэбютаваць у шэрагах БАТЭ Лаше Деканасідзэ (1987) - грузінскі навабранец выцесніў з левага флангу абароны Юрэвіча, які адправіўся шукаць шчасця ў цэнтр паўабароны і адтуль выдаў выдатны пас на ход Сівакову - 1:6. Пасля таго як Мірчэў аформіў хет-трык і давёў розніцу ў рахунку да непрыстойнай, барысаўчане "сталі ". У выніку забіў Домась, а Коцін быў дакладны пры прабіцці пенальці.