Масты

Акрамя галоўнага рэдактара “Мастоўскай праўды” Ігара Шчэкарэвіча ў войска прызываюць моладзевых актывістаў Алеся Копаця і Юрыя Шлапіка.

Па словах актывіста Руху “За Свабоду” Алеся Зарэмбюка, Ігар Шчэкарэвіч досыць даўно займаецца актыўнай грамадскай дзейнасцю.

– У выбарчых кампаніях 2003 і 2004 гадоў ён быў сябрам маёй ініцыятыўнай групы. З 2006 года Ігар навучаецца ў Польшчы па праграме Каліноўскага. Ён стаіць на ўліку ў Беларускім консульстве ў Беластоку. Ігара, якому ўжо 24 гады, ніхто не прызываў летась, пазалетась, а цяпер ён раптам спатрэбіўся. Акрамя яго ў войска прызываюць мастоўскіх хлопцаў Алеся Копаця і Юрыя Шлапіка, якія ў 2006-м годзе былі на Плошчы і адседзелі за гэта свае суткі, – паведамляе Алесь Зарэмбюк.

Зарэмбюк упэўнены, што прызыў актывістаў у войска звязаныя з маючымі адбыцца выбарамі ў Палату прадстаўнікоў.

– Улады намераны ізаляваць найбольш яскравых мастоўскіх актывістаў і ўскладніць такім чынам дзейнасць дэмсілаў падчас выбараў, – Алесь Зарэмбюк.

Паводле www.milinkevich.org