Масты

У 2008 г. запланаваны пачатак будаўніцтва аўтамабільнай стаянкі ў раёне вул. Будаўнікоў і пр. Юнацтва (+ дадалося фота)

Паводле адказу Снітко Г.П., намесніка старшыні Мастоўскага райвыканкаму, на дэпутацкі зварот ужо былі выкананы геадэзічныя даследаванні за кошт Мастоўскага РУП ЖКГ, а таксама складзена дамова з праектным інстытутам "Гроднаграмадзянпраект" на падрыхтоўку праекта - сметнай дакументацыі. Кошт работ па дамове складае 76 млн. руб. Аднак пачатак будаўніцтва перанесены на другое паўгоддзе ў сувязі з адсутнасцю фінансавых сродкаў.

 

Месцам будаўніцтва выбрана пляцоўка паміж д.д. 11 і 15а па вул. Будаўнікоў (на пустцы, дзе раней планавалася будаўніцтва школы).

 

У мінулым былі спробы будаўніцтва аўтамабільнай стаянкі ў гэтым месцы, аднак жыхары паўсталі супраць гэтага і арганізавалі збор подпісаў. Пасьля чаго будаўніцтва так і не распачалося.

 

Раней разглядалася тры месцы будаўніцтва стаянкі, аднак паводле словаў Шаронава М.М., галоўнага архітэктара г. Масты, канчаткова была абрана пляцоўка паміж д.д. № 11 і 15а па вул. Будаўнікоў.

 

На здымках : пустка паміж дамамі па вул. Будаўнікоў і пр. Юнацтва, дзе плануецца будаўніцтва аўтамабільнай стаянкі.

 

www.razam.net