Жыхары Мастоў заклапочаны знікненнем дрэваў у горадзе

За часамі Уладзіміра Вашко, старшыні Мастоўскага райвыканкаму, які кіраваў раёнам з 1973 да 1990 году, г. Масты быў адзін з самых “зялёных” местаў у Беларусі і лічыўся горадам узорнага парадку.

 

Зараз грамадзяне заклапочаны змяншэннем зялёных насаджэнняў у горадзе. Цяпер у Мастах ідзе добраўпарадкаванне цэнтральных вуліц гораду і падчас добраўпарадкавання многія дрэвы знішчаюцца, аднак замест іх новыя не высаджваюцца. Медыкі звяртаюць увагу, што паветра ў горадзе значна забруджанае выкідамі аднаго з вядучых у Беларусі прадпрыемстваў дрэваапрацоўкі ААТ “Мастоўдрэў”. Раней дрэвы хоць неяк ачышчалі паветра.

 

Грамадзяне просяць Дзмітрыя  Кухлея ўзняць гэтую праблему ў мясцовых органах самакіравання і кіравання, а таксама ў прэсе.

 

www.razam.net