Масты

Зарэмбюк вылучаны ў склад Мастоўскай акруговай выбарчай камісіі № 56

10 ліпеня Алесь Зарэмбюк падаў у Гродзенскі абласны выканаўчы камітэт, які паводле выбарчага заканадаўства  сфармуе 13 акруговых камісій ў Гарадзенскай вобласці.За вылучэньне Аляксандра Зарэмбюка было пададзена 109 подпісаў на 13 падпісных лістах, якія былі зарэгістраваны супрацоўніцай Гродзенскага аблвыканкама Таццянай Драбскай за нумарам 56-20.

 

Нагадаем, аб’яднаныя дэмакратычныя сілы вылучылі адзіны спіс сваіх прадстаўнікоў у склад усіх 110 выбарчых камісій. Аляксандр Зарэмбюк падтрыманы дэмакратычнымі сіламі Беларусі, як адзіны прэтэндэнт ад АДС у склад Мастоўскай выбарчай камісіі № 56. Ад уключэння ў склад акруговых выбарчых камісій прадстаўнікоў дэмакратычных сілаў залежыць ці сапраўды ўлады хочуць правесьці  справядлівыя выбары, ці ўсе высокія словы аб сумленнай выбарчай кампаніі і раўных магчымасцях для ўсіх кандыдатаў — толькі пусты гук.

 

Іван Лявонаў