Масты

Праграма «Дарогі Беларусі» на Гарадзеншчыне

У межах рэспубліканскай праграмы «Дарогі Беларусі» і Генэральнай сыстэмы разьвіцьця сэрвісу на рэспубліканскіх аўтамабільных дарогах, яшчэ сёлета на тэрыторыі Гарадзеншчыны прадугледжана ўвесьці ў дзеяньне 20 аб’ектаў прыдарожнага сэрвісу.

 

Прыдарожны сэрвіс часта крытыкаваўся найвышэйшым кіраўніцтвам Беларусі, маўляў, ён не адпавядае сучасным патрабаваньням і адштурхоўвае прыток замежных турыстаў. На Гарадзеншчыне, як паведаміў начальнік адддзелу транспарту і камунікацый Юрый Собаль праведзенае комплекснае вывучэньне ўсіх прыдарожных аб’ектаў. Патэнцыйным інвэртарам дадзена інфармацыя аб умовах будоўлі, ільготах па падаткаабкладаньню і арэндзе зямлі. 42 аб’екты мае быць прададзена, рыхтуецца дакументацыя на продаж яшчэ 33 аб’ектаў.

 

Прыдарожным сэрвівам на Гарадзеншчыне займаюцца як буйныя канцэрны кшталту “Слаўнафты”, якая будуе вялізны комплекс на памежным пераходзе Бераставіца коштам 6 мільярдаў рублёў, так і прыватныя прадпрымальнікі. Большасьць аб’ектаў прыдарожнага сэрвісу на гарадзеншчыне згодна Праграме “Дарогі Беларусі”  павінны быць удзедзеныя ў дзеяньне да 2010 году.

Вацлаў Галімскі, Радыё Рацыя, Гародня