Масты

Каля 14 – й гадзіны супрацоўнікі Шчучынскага межрэгіянальнага КДБ забралі Зьміцера Кухлея з працы і павезлі на допыт у Шчучын. Аб гэтым нашаму парталу паведаміў кіраўнік яго выбарчага штабу – Алесь Зарэмбюк.

У суботу 20 – га ліпеня Зьміцер падаў на рэгістрацыю ў Мастоўскую акруговую выбарчую камісію № 56 сваю ініцыятыўную групу у складзе 46 чалавек. Папярэдне вядома, што канкурэнтам Зьміцера на дэпутацкі мандат з уладнага спісу па Мастоўскай выбарчай акрузе № 56 будзе нам. старшыні Гродзенскага аблвыканкама сп. Сцяпура.