Масты

Лідэр Руху “За Свабоду” Аляксандр Мілінкевіч увайшоў у склад ініцыятыўных группы кандыдата у дэпутаты Палаты прадстаўнікоў Дзмітрыя Кухлея. Аб гэтым нашаму парталу паведаміў кіраўнік выбарчага штабу Дз.Кухлея – Алесь Зарэмбюк. У бліжэйшы месяц А.Мілінкевіч плануе наведаць Масты, каб прыняць удзел у пікеце па збору подпісаў у падтрымку кандыдата ў дэпутаты.

Акрамя пытанняў выбарчай кампаніі Аляксандр Мілінкевіч будзе размаўляць з людзьмі пра сённяшні палітычны і эканамічны стан у краіне , пытанне пабудовы АЭС у Беларусі, а таксама іншыя актуальныя праблемы, якія хвалююць жыхароў жыхароў Мастоў. 

Вядомы палітык намераны дапамагаць непраўладным кандыдатам па ўсёй Беларусі ў зборы подпісаў, а таксама скарыстаць магчымасці выбарчай кампаніі для непасрэдных сустрэч і гутарак з грамадзянамі краіны.