Масты

Прадпрымальнікаў стала больш?

Гродзенскія ўлады сцвярджаюць, што расце колькасць прадпрымальнікаў, якія ажыццяўляюць сваю дзейнасць на тэрыторыі вобласці. Не гледзячы на забарону выкарыстання наёмных працоўных, у параўнанні з мінулым годам лічба бізнэсоўцаў падвысілася больш як на 2 тысячы.

Сакрэт павялічэння колькасьці індывідуальных прадпрымальнікаў палягае ў першую чаргу на тэхнічных дэталях рэгістрацыі і зняцця іх з уліку: прыкладам, калі бізнэсовец спыняе сваю дзейнасьць, ён рыхтуе ўсе неабходныя дакуманты на ліквідацыю і падае іх у гарвыканкам, які і прымае канчатковае рашэнне. Аднак, на практыцы сітуацыя выглядае  іначай: чыноўнікі гарвыканкама па некалькі гадоў не здымаюць з уліку прадпрымальнікаў і паказваюць такім чынам статыстычныя дадзеныя, паводле якіх колькасць прапрымальнікаў няўхільна расце.

Насамрэч, пасля прыняцця знакамітага ўказа прэзыдэнта краіны большасць з 25 тысяч гарадзенскіх прадпрымальнікаў не мелі жадання працягваць сваю дзейнасць, а перарэгістраваліся ў прыватныя ўнітарныя прадпрыемствы не больш 2 тысяч. Негледзячы на непростую сітуацыю у сфэры прыватнага бізнэсу, гродзенскія падаткавікі канстатуюць станоўчы рост выплатаў: кожны прадпрымальнік ужо заплаціў у бюджэт краіны больш за 700 даляраў.

www.racyja.com