Масты

Прадстаўнікоў АДС не ўключылі ў участковыя камісіі

Ніводнага прадстаўніка Аб’яднаных дэмкратычных сілаў Мастоўшчыны не ўключылі ва ўчастковыя камісіі Мастоўскай выбарчай акругі № 56, пра гэта, нашаму парталу паведаміў,  кіраўнік выбарчага штабу Зьміцера Кухлея, - Алесь Зарэмбюк.

 

Паводле статыстыкі арганізацыйна-кадравага аддзелу Мастоўскага райвыканкама ва ўчастковыя камісіі Мастоўскага раёна былі прапанаваны 340 кандыдатур,  14 чалавек былі вылучаны і падтрыманы Аб’яднанымі дэмакратычнымі сіламі Мастоўшчыны. Менавіта гэтыя 14 прадстаўнікоў дэмакратычных сілаў не былі ўключаны ў склад участковых выбарчых камісій Мастоўскага раёна.

 

“Улады пабаяліся ўключыць прадстаўнікоў дэмакратычных сілаў у участковыя выбарочыя камісіі, і гэтым у чарговы раз прадэманстравалі тое, што ніякіх сумленных выбараў не будзе. Я быў назіральнікам амаль на усіх выбарах апошнія 8 год і бачыў якім чынам падлічваюцца бюлетэні, і як размяркоўваюцца лічбы. Усё ціха. Кожны з сябраў камісіі лічыць сам па сабе і на паперках моўчкі перадае ўсе лічбы старшыню выбарчай камісіі, і ўжо старшыня агучвае канчатковы вынік. Таму я не маю ніякіх сумненняў, што гэтыя выбары будуць сфальсіфікаваны.” – адзначыў Алесь Зарэмбюк.

Паліна Вішнеўская