Масты

Дакументальны фільм пра Алеся Белакоза (відэа)

 

 

Алесь Белакоз – педагог, краязнаўца, заснавальнік музею ў роднай вёсцы Гудзевічы, недалёка Нёмна. Усё жыццё працаваў настаўнікам, выпусціў у свет не адно пакаленне вяскоўцаў. Вучыў перадусім павагі да роднай зямлі, да яе спадчыны. Праца з вучнямі і прага вывучэння беларускай гісторыі, мовы, культуры – гэта заўсёды захапляла Алеся Белакоза. У 1965 г. ён нават наладжвае ліставанне вучняў з вядомымі беларускімі пісьменнікамі, зарганізоўвае школьны кабінет беларускай літаратуры. Вучні сталі захапляцца літаратурнай і даследніцкай дзейнасцю, іхныя працы пачалі друкавацца ў беларускай перыёдыцы. Спадар Алесь стварыў у сваёй школе унікальны літаратурна-этнаграфічны музей. Цяпер ён на пенсіі, аднак час ад часу водзіць экскурсіі, бо ніхто не здольны гэта робіць так захапляльна і эмацыйна.