Масты

У Мастах распачалася грамадска-інфармацыйная кампанія “За Еўрапейскую Мастоўшчыну”, ініцыятарамі якой выступаюць мясцовыя актывісты руха “За Свабоду” і прадстаўнікамі пазаўрадавых аргаганізацый раёна.

Грамадскія актывісты распаўсюдзілі ў Мастоўскім раёне ўлёткі і расклеілі плякаты з інфармацыяй аб кампаніі і кантактамі, паводле якіх людзі могуць звярнуцца са сваімі прапановамі і пытаннямі. Удзельнікі інфармацыйнай кампаніі “За Еўрапейскую Мастоўшчыну” плануюць прапагандаваць ідэі інтэграцыі Беларусі ў Еўрапейскі звяз і папулярызаваць еўрапейскія каштоўнасці сярод жыхароў раёна.

На думку каардынатара кампаніі Алеся Зарэмбюка набліжанасць Мастоўскага раёна да еўрапейскіх межаў сведчыць перш за ўсё аб зацікаўленасці жыхароў рэгіёна сацыяльна-эканамічнымі і культурнымі магчымасцямі супрацоўніцтва з суседзямі.

Грамадскія актывісты ў сваёй дзейнасьці плануюць займацца вырашэньнем праблемаў раёна і кансультацыямі жыхароў Мастоўшчыны па шырокаму спектру грамадска значымых пытанняў, спрыяць развіццю мясцовага і рэгіянальнага самакіравання , а таксама дапамагаць жыхарам Мастоўшчыны ў абароне іх законных правоў і інтарэсаў.

Інфармацыйны партнёр кампаніі: “Масты: рэгіянальны партал“.

  Паводле: www.racyja.com