Масты

У маі беларускі ўрад у чарговы раз падняў тарыфы на паслугі жыллёва-камунальнай гаспадаркі.

Як стала вядома, тарыфы на электраэнергію падняліся на 25 працэнтаў. Для кватэр, абсталяваных электраплітамі, - з 84 рублёў за 1 кВт/г да 105 рублёў, а для ўсіх астатніх – са 116 рублёў да 145 рублёў.

“За 100 кВт/г сям’і зараз прыйдзецца заплаціць прыкладна на 3 тысячы рублёў больш, - кажа ў гутарцы з карэспандэнтам Пагоні эканаміст Леанід Заіка. – Іншая справа, што ўсё гэта праходзіла ўціхую. Па нейкай жа прычыне народу зараней не абвесцілі аб «непапулярнай меры». Відавочна адно – гэта не апошняе павышэнне цэнаў на паслугі ЖКГ. Проста зараз выбралі такі час, калі пасля зімы кошт жыровак знізіўся, і народ не так звяртае ўвагу на павышэнне тарыфаў».

Алесь Заблоцкі

pahonia.org