Масты

Міхалок: чаму я мушу ліняць з Беларусі з-за ўзурпатараў?

У інтэрв’ю “Маскоўскаму камсамольцу” лідэр гурта “Ляпис Трубецкой” Сяргей Міхалок гаварыў у тым ліку і пра палітыку.

Спявак сказаў, што ў яго ёсць прынцыповая пазіцыя наконт Беларусі:

- Адна з маіх жыццёвых ідэй палягае ў тым, што можна быць свабодным нават у таталітарным грамадстве. Мы – гурт, які існуе ў самым таталітарным еўрапейскім грамадстве, пры гэтыя мы суперсвабодныя. Мы кажам што заўгодна і паводзім сябе па-хамску ў дачыненні да ўлады, і пры гэтым застаемся ўнутрана вольнымі. Мы ламаем стэрэатып. Многія лічаць, што тварыць і творча расці можна толькі ў свабодным грамадстве. Я лічу, што гэта не так.

На думку Сяргея Міхалка, любая палітыка – гэта ўжо зло:

- Дэмакратычнае грамадства стварае бачнасць свабоды. А Беларусь – гэта нашая зямля, там жыў мой дзед, прадзед. Чаму з-за нейкага чалавека, групы нейкіх чыноўнікаў, якія ўзурпавалі ўладу і карэчаць з сябе служак народа, я мушу адтуль ліняць? Хай яны з’язджаюць!