Масты

У ЗША з'едуць 260 жыхароў Гродзеншчыны

260 гродзенцаў і жыхароў Гродзенскай вобласці сталі пераможцамі латарэі Грын-кард за 2008 год.Пераможцы латарэі змогуць выехаць на сталае пражыванне ў Злучаныя Штаты ўжо ў наступным годзе. Пашанцавала 1240 грамадзянам Беларусі з 75 тысяч нашых суайчыннікаў, якія падалі дакументы на ўдзел. Большасць пераможцаў складаюць жыхары сталіцы, на другім месцы – жыхары нашай вобласці.

Па словах супрацоўніка арганізацыі, якая на працягу 12 гадоў займаецца дапамогай у афармленні дакументаў пераможцам латарэі Грын-кард, Гродзенская вобласць заўсёды была найбольш актыўнай з усіх беларускіх рэгіёнаў. Гэта выклікана большай развітасцю Гродзеншчыны з пункту гледжання міграцыі: псіхалогія гродзенцаў адрозніваецца ад псіхалогіі жыхароў усходніх рэгіёнаў.

Але эмігруюць не ўсе пераможцы, 30-40% з іх не праходзяць працэдуру афармлення да канца. Да таго ж гэта каштуе немалых грошай: 775 долараў за візу, каля 1000 за квіток, аплата паездкі ў Варшаву на суразмову плюс выраб Шэнгенскай візы ды іншае

 

www.gs.by