Масты

Cвяткаванне дня ўсіх беларускіх святых

У нядзелю (6 ліпеня) ў Гародні адбудзецца святкаванне дня ўсіх беларускіх святых.

Пасля святочнай літургіі плануецца хросны ход, які традыцыйна скіруецца ад Барысаглебскай (Каложскай) царквы да храма ў гонар Гаўрыіла Беластоцкага. Па заканчэнні хроснага ходу плануецца канцэрт з удзелам вядомага беларускага барда Андрэя Мельнікава, а таксама паэтаў Зніча (Алег Бембель) і Алеся Спіцына.

У межах імпрэзы плануецца прэзентацыя плыткі “Беларускі хрысціянскі хіт”. На дыску сабраны хрысціянскія спевы на беларускай мове на словы Караткевіча, Купалы, Барадуліна, Лабадзенкі. Распачынае плытку рэлігійны гімн “Магутны Божа”. Сапраўдная музычная рэдкасць – кампазіцыя AVE MARIA на словы Зянона Пазьняка, якую ў 1994 спявалі “Сябры”.

Імпрэза адбудзецца 6 ліпеня, 18.30, памяшканне Таварыства Беларускай Школы (вул. Будзёнага 48а - 44).

http://blog.grodno.net/