Масты

Матч чэмпіянату Беларусі па футболе абслугоўваў п'яны арбітр (відэа)

 

Арбітр ФІФА Сяргей Шмолік 5 ліпеня абслугоўваў матч 13-га тура чэмпіянату Беларусі ФК "Віцебск" - "Нафтан" (1:1), знаходзячыся ў стане цяжкага алкагольнага ап'янення. Аб гэтым піша беларускае выданне "Прессбол". З поля па заканчэнню гульні суддзю пад рукі вывеў адзін з адміністратараў "Віцебску" Юры Ковба.

 

Падчас матчу арбітр перасоўваўся з цяжкасцю, і шмат хто з заўзятараў выказаў здагадку, што ў Шмоліка абвастрылася хвароба хрыбетніка. Медыцынскі агляд пацвердзіў, што ў рэферы хворая спіна, але таксама высвятлілася, што суддзя быў п'яны.

 

Пасля матчу аналіз пароў алкаголю выявіў 1,17 мікраграма на літр у выдыханым арбітрам паветры. Па шкале вынікаў гэта адпавядае 2,6 праміле. Пасля 2,5 праміле надыходзіць цяжкая ступень алкагольнага ап'янення. У тлумачальнай Шмолік напісаў, што выпіў ужо пасля гульні.

 

Судзейскі камітэт Беларускай федэрацыі футбола рэкамендаваў камісіі па прызначэннях не прыцягваць Шмоліка да абслугоўвання гульняў усіх ліг да высвятлення акалічнасцяў.