Масты

Толькі 2 прадстаўнікі апазыцыі ўвайшлі ў склад акруговых выбарчых камісій на Гродзеншчыне

Аб’яднаныя дэмакратычныя сілы вылучалі 15 прэтэндэнтаў, але ўлады аддалі перавагу прадстаўнікам працоўных калектываў, беларускага рэспубліканскага саюза моладзі і аб’яднання Белая Русь.

У склад акруговых камісій на Гродзеншчыне ўвайшлі сябар Аб’яднанай грамадзянскай партыі Алесь Пагуляеў і сябар Партыі камуністаў беларускай Павал Самадзелаў. З 169 мейсцаў прадстаўнікі апазыцыйных партый атрымалі толькі 2, што на думку кіраўніка абласной суполкі АГП Юрыя Істоміна ніякім чынам не надае будучым выбарам больш празрыстасці і дэмакратычнасці.

Не пазней 13 жніўня паводле заканадаўства павінны быць сфармаваныя участковыя выбарчыя камісіі. Ад колькасці прадстаўнікоў апазыцыйных партый, якія патрапяць у склад камісій, наўпрост будзе залежаць далейшая хада выбарчай кампаніі: калі ўлады абмяжуюць прадстаўніцтва да мінімума, дэмакратычныя актывісты не выключаюць байкоту выбарчай кампаніі.

www.racyja.com