Масты

На Валыні адбыўся фэст альтэрнатыўнай музыкі "Бандэрштат - 2008" (фота)

 

На працягу двух выходных дзён, 9 і 10 жніўня, валынская і прыезджая моладзь адпачывала на ўсеўкраінскім музычным фэсце "Бандэрштат - 2008", які праходзіў у вёсцы Гаразджа блізу Луцка. Па падліках арганізатараў, у мерапрыемстве прыняло ўдзел больш 3 тысяч маладых людзей, пераважна з Заходняй Украіны. Арганізатар фэсту - моладзевая арганізацыя "Нацыянальны Альянс".

Праходзіў фэст  на тэрыторыі лагера адпачынку "Сонечны", дзе ў намётавым мястэчку размясціліся ўсё жадаючыя.

Пражыванне і ўваход на фэст быў бясплатным. Таксама ўдзельнікі маглі атрымаць бясплатную кашу, якая рыхтавалася ў палявых кухнях.

Праграму фэсту на працягу двух дзён складалі розныя мастацкія майстар - класы, спартовыя спаборніцтвы па футболу, валейболу і баскетболу, паказальныя выступы з баявога гапака, паркуру, фрізбі, соксу.

У літаратурных чытаннях, якія праходзілі на малой сцэне фэсту, прынялі ўдзел нават былыя партызаны з Украінскай Паўстанцкай Арміі. У рамках фэсту адбыўся таксама велапрабег, які стартаваў у Луцку, а завяршыўся ўжо на тэрыторыі "Сонечнага".

Цікавым быў і конкурс патрыятычнага графіці, пасля якога на непрывабнай каменнай сцяне на тэрыторыі лагера "Сонечны" застаўся яркі малюнак з нацыянальнай украінскай сімволікай і надпісам "Слава героям УПА".

На працягу двух фэставых дзён прайшоў таксама кірмаш-продаж украінскай этнічнай прадукцыі, дзе ўсё жадаючыя мелі магчымасць набыць рознага роду прадметы з нацыянальнай украінскай сімволікай.

Наведалі фэст "Бандэрштат - 2008" і чальцы валынскага братэрства АУН - УПА, былыя паўстанцы. Яны былі шчыра здзіўленыя ўбачыўшы, што моладзь збіраецца на такія мерапрыемствы, што аб іх не забываюць і аддаюць пашану.

Канцэртная праграма фэсту  складалася з выступу 22 гуртоў з Заходняй і Цэнтральнай Украіны. Хэдлайнерамі першага фэставага дня стаў вядомы на альтэрнатыўнай сцэне львоўскі гурт "АННА". Зачынялі ж фэст метры ўкраінскага рока - легендарная каманда "Кому Вниз".

У начную праграму "Бандэрштата"  увайшлі сеансы паўстанцкага кіно і начныя песенныя вогнішчы. Маладыя людзі паглядзелі фільмы "Атэнтант" і "Вялікія ўкраінцы: Сцяпан Бандэра".

Мерапрыемства было прымеркавана да 100- ых угодкаў са дня нараджэння лідэра ўкраінскіх паўстанцаў Сцяпана Бандэры. Мэта, якую ставілі перад сабой арганізатары - папулярызаваць сярод маладога пакалення ўслаўленае імя правадыра ўкраінскіх нацыяналістаў, дапамагчы ўсвядоміць важнасць барацьбы Ўкраінскай Паўстанцкай  Арміі.

 

Для  даведкі:

Фэст упершыню быў праведзены ўсеўкраінскай моладзевай арганізацыяй "Нацыянальны Альянс" у Луцку 15-16 верасня 2007 года.

Дадзены праект прадугледжвае правядзенне ўнікальнага мастацкага дзейства, на якім мяркуецца выступ розных  украінскіх гуртоў і правядзенне майстар - класаў рознага кірунку, якія будуць прапагандаваць праўкраінскі стыль мыслення, украінскую мову і культуру.

Сама ідэя фэсту зводзіцца да папулярызацыі ўкраінскага нацыянальнага адзінства, патрыятызму і ўслаўленні ўкраінскіх герояў, якія ваявалі ў шэрагах УПА і паклалі сваё жыццё за мірную сучаснасць і дзяржаўную незалежнасць Украіны. Сцяпан Бандэра, як сімвал нязломнасці украінскай нацыі з'яўляецца і сімвалам фэсту, што  як мы бачым адбілася і ў назове мерапрыемства.

Масты: рэгіянальны партал